【`ذكـــــــــــــــــــــريات 】
لهنااااك بعيد لمكان ما كنا بنلتقي
خدني الحنين من غير ما أحس بخطوتي
من غير ما احدد حتي وجهة سكتي
من غير ما افهم ايه اللى نزل دمعتي
ولقتني واقف في المكان بكل شوقي ولهفتي
كل المكان بيطل في وشوش وحدتي
يصرخ ويسأل على اللى كانت دنيتي
حتي الرمال اللي زمان داستها خطاوينا
وكتبنا فوق بسمة شفايفها حروف اسامينا
من شوقها ليك نطقت وسألتني عليك
وقالتلي فين ست البنات وحيات عنيك
فين اللي ياما علينا مشيت بدلالها وسحرها
فين اللي ياما نور الصبح غار من حسنها
فين اللي حلفت انك أغلي ما عندها
فين اللي كانت من سنة وياك هنا
فين اللى فيها كتبت مليون يا أنا
كترت علي الأسئلة واحترت أنا
معقولة يبقي الرمل معجون بالوفا
لو كان ده حال الرمل وشوية حصا
جبتي منين القسوة اللي في عيونك والجفا
ليست هناك تعليقات:
إرسال تعليق